Home » » Sesorah Basa Jawa (Pidato Berbahasa Jawa): MITONI

Sesorah Basa Jawa (Pidato Berbahasa Jawa): MITONI

Ditulis oleh Ilham Guntara pada Friday, 21 January 2011 | 18:35:00

Kebetulan dari Bu Guru bahasa jawa menyuruh murid-muridnya (termasuk saya) untuk pidato (sesorah) dengan bahasa Jawa pada pelajaran bahasa Jawa esok, tanpa teks lagi..hadohhhh:o. Nah, saya cukup bingung membuatnya. Akhirnya saya menemukannya dari gabungan beberapa sumber. Seperti inilah, silakan dinikmati! haha :D

MITONI

Assalamualaikum Wr. Wb

Dhumateng para sesepuh saha pinisepuh ingkang dahat kinurmatan,
Dhumateng pamangku gati ingkang kula urmati,
Dhumateng para tamu undangan ingkang minulya
Bapak, Ibu para rawuh lan para rayi ingkang kula hurmati. Kaparenga ing wekdal menika kula ngaturaken agunging panuwun saha sugeng rawuh wonten ing adicara mitoni.

Langkung rumiyin sumangga kula lan penjenengan sedaya ngaturaken raos syukur dhumateng ngarsanipun Gusti Ingkang Murbeng Dumadi ingkang sampun maringi kasarasan sarta kalodhangan, saengga kita saged anjenengi acara ing wekdal menika inggih acara tingkepan utawi mitoni garwanipun bapak Zainul Ma’arif kanthi boten wonten alangan menapa-menapa. Mugi-mugi kemawon ing dalem kekempalan kita dinten samenika wonten manfaatipun. Amin.

Para rawuh ingkang kula urmati.
Panjenengan sedaya kaaturan rawuh ing wekdal menika, inggih boten sanes amargi raos syukuripun bapak Zainul Ma’arif dhumateng ngarsanipun Gusti, amargi sadangu mangun bale wisma sampun ngajeng-ajeng momongan utawi putra ing dalem kulawarganipun.
Samenika pangajeng-ajeng menika sampun kalampah kanthi tetenger mbobotipun garwanipun ingkang sampun ngancik pitung sasi. Pramila saking menika Bapak Zainul Ma’arif sakulawarga nyuwun donga pangestunipun saking para rawuh, supados jabang bayi ingkang taksih wonten madaran menika pinaringan selamet, semanten ugi ibunipun. Lan mugi-mugi anggenipun lair dipunparingi gancar, lancar, sarta selamet kekalihipun.

Para rawuh ingkang kinurmatan,
Mugia kita sedaya dados tiyang ingkang estu-estu ngabekti dhumateng tiyang sepuh kalih. Semanten ugi, mugi-mugi Bapak Zainul Ma’arif sakulawarga benjang dipunparingi putra ingkang tansah ngabekti marang tiyang sepuhipun, migunani tumrap nusa, bangsa sarta agami. Amin.
Cekap semanten saking kawula, minangka panutuping atur,

Atur temanten mangan srikaya
Mangan kupat uga pecel punten
Cekap semanten atur kawula
Bilih salah nyuwun pangapunten

Matur Nuwun

Wassalamualaikum Wr. Wb
Bagikan artikel ini :

Post a Comment

Berikan komentar terbaik atau pertanyaan untuk artikel di atas dan tetap setia secara rutin mengunjungi weblog "Catatan Si iGun" dengan alamat www.guntara.com

 
Thanks to : Creating Website | Johny Template | Mas Template
Copyright © 2013. Catatan Si iGun - All Rights Reserved
Template Modified by Ilham Guntara Published by Catatan Si iGun
Proudly powered by Blogger